శ్రీ రామనామ మహత్యం

రామనామ మహత్యం 

భగవన్నామ స్మరణకు మించిన ఉత్తమ సాధన కలియుగంలో లేదని శాస్త్రాలు తెలుపుతున్నాయి.
ప్రతీ 
భగవన్నామంలో ఒక నిగూఢ అంతరశక్తి, మహిమ వుంటుంది. మనకున్న ఏడుకోట్ల మహామంత్రాలలో 
రెండక్షరాలా "రామ" మంత్రం శ్రేష్టమైనదని మనుస్మృతి తెలుపుతుంది.ఇది హరిహరతత్వంబు కలిసిన 
మహామంత్రం. 'ఓం నమోనారాయణాయ' అనెడి ఆష్టాక్షరి మంత్రములో "రా" అను అక్షరం జీవాక్షరం. (ఎందుకంటే ఈ మంత్రంలో 'రా' తొలగించినచో
ఓం నమో నాయణాయ అన్నది అర్ధం లేనిదవుతుంది) 'ఓం నమశ్శివాయ' అనెడి 
పంచాక్షరి మంత్రంబులో "మ" అనునది జీవాక్షరం. 
(ఎందుకంటే ఈ మంత్రంలో 'మ తొలగించినచో ఓం నశ్శివాయ అంటే శివుడే లేడని అర్ధం) 
ఈ రెండు జీవాక్షరములసమాహారమే "రామ". శివకేశవుల సంఘటిత శక్తియే 'రామ'మంత్రం. 
అందుచే రామమంత్రం సర్వశక్తివంతమైన,శ్రేష్టమైనముక్తిప్రసాద మంత్రముగా శాస్త్రాలు తెలియజేస్తున్నాయి.

100 కోట్ల శ్లోకాలతో రామాయణం వాల్మికిచే రచింపబడినది. అది 

త్రైలోక్యవాసుల సొత్తు. దానిని పరమశివుడు 

అందరికి పంచెను. 33 లక్షల 33 వేల 333 శ్లోకముల వంతున పంచగ 

1 

శ్లోకం మిగిలిపోయింది. దానిని 

కూడా పంచమని మునులు కోరారు. ఆ శ్లోకంలో 32 అక్షరములు ఉన్నవి. 

దానిని దశాక్షరి రూపమున 

ముగ్గురికి పంచగా రెండక్షరములు మిగిలినవి. ఆ రెండక్షరములు శివుడు 

తనకై తీసుకున్నాడని కధనం. ఆ 

రెండక్షరములే "రామ"

కోన్వస్మిన్ సాంప్రతం లోకే గుణవాన్ కశ్చ వీర్యవాన్ |

ధర్మజ్ఞశ్చ కృతజ్ఞశ్చ సత్యవాక్యో ధృఢవ్రతః ||
చారిత్రేణ చ కో యుక్తః సర్వభూతేషు కో హితః |
విద్వాన్ కః కః సమర్థశ్చ కశ్చ ఏక ప్రియదర్శనః ||
ఆత్మవాన్ కో జిత క్రోధో ద్యుతిమాన్ కః అనసూయకః |
కస్య బిభ్యతి దేవాః చ జాత రోషస్య సంయుగే ||

వాల్మీకి మహర్షి నరధమహర్షినీ అడిగాడు ఈ లోకంలొ ఇప్పుడే, ఇక్కడే ఉన్న గుణవంతుడు, వీర్యవంతుడు, ధర్మాత్ముడు, కృతజ్ఞత భావం కలిగినవాడు, సత్యం పలికేవాడు, ధృడమైన సంకల్పం కలిగినవాడు, చారిత్రము కలిగినవాడు, అన్ని ప్రాణుల మంచి కోరేవాడు,
విద్యావంతుడు, సమర్ధుడు, ఎన్నిసార్లు చూసినా ఇంకా చూడాలనిపించేంత సౌందర్యం కలిగినవాడు, ధైర్యవంతుడు, క్రోధాన్ని జయించినవాడు, తేజస్సుకలిగినవాడు, ఎదుటివారిలొ మంచిని చూసేవాడు, అవసరమైనప్పుడు కోపాన్ని తెచ్చుగోగలిగినవాడు ఉంటె నాకు చెప్పండి అని.(శ్రీరాముడు అంతటి సద్గుణ సంపన్నుడని నరధమహర్షి వాల్మీకి మహర్షికి తెలియచేసారు)

సంగ్రహంగాఇదే రామాయణం

ఆదౌ రామతపోవనాది గమనం, హత్వామ్రుగం కాంచనం 

వైదేహీహరణం జటాయుమరణం సుగ్రీవ సంభాషణమ్ | 

వాలీనిగ్రహణం సముద్రతరణం లంకాపురీ దాహనం 

పశ్చాద్రావణ కుంభకర్ణ హననం త్వేతద్ధి రామాయణమ్ || రామచంద్రుడు తపోవనానికేగడం, కాంచన మ్రుగాన్ని సంహరించడం, సీతామాత అపహరణానికి గురికావడం, పోరాడి జటాయువు మరణించడం, సుగ్రీవునితో శ్రీరామునికి మైత్రి ఏర్పడడం, వాలి సంహరింపబడడం, సముద్రం దాటడం, లంక కాలిపోవడం, రావణ కుంభకర్ణాదులు మరణించడం - సంగ్రహంగాఇదే రామాయణం

రామనామ మహాత్యము గురించి ఇతిహాసమొక్కటి పెద్దలు చెప్తారు
వనే చ’రామో’, వసు చా హ’రామా’!
నదీం స్త’రామో’, నభయం స్మ’రామః’!!
ఒకానొక సమయంలో దారిదోపిడీ చేసే గజదొంగలు ఇలా మాట్లాడుకుంటున్నారట. మనము
వనములందు (చరామః) సంచరిస్తున్నాము, వీలైనంత (హరామా.) దొంగిలిస్తున్నాము,
మనకు దారిలో అడ్డువచ్చిన నదులను (తరామః) ఈది దాటుతున్నాము, మనము అభయము
అన్నదానిని (స్మరామః) స్మరిద్దాము అని అనుక్కుంటుండగా వారందరూ
ప్రమాదవశాత్తూ మరణించారు, ఆ సమయమందు రామా రామా అన్న శబ్దమును
ఉచ్చరించడంతో ఉద్దరింపబడి ముక్తిని పొందారు.

కాబట్టి శ్రీ రామనామఉచ్చారణము తెలియక చేసినా ముక్తికి ఆలంబనం అవుతుంది. ఇక
తెలిసి తెలిసి ఒక యాగంలా చేస్తే దాని ఫలితమెంతటిదో ఊహకందుతుందా!.
రామ హరే కకుత్థ్సకుల రామ హరే రఘురామ రామ శ్రీ
రామ హరే యటంచు మది రంజిల భేక గళంబులీల నీ
నామము సంస్మరించిన జనంబు భవంబెడ బాసి తత్పరం
ధామ నివాసులౌదురఁట దాశరథీ! కరుణాపయోనిధీ!
ఏతత్ సర్వం శ్రీ హనుమ ద్లక్ష్మణ భరత శత్రుఘ్న సకల పరివార సమేత
సీతారామచంద్రార్పణమస్తు.
http://andhraamrutham.blogspot.in/2012/09/blog-post_14.html#.UycgwPmSxWY

యదావర్ణయత్కర్ణమూలేஉన్తకాలే శివో రామ రామేతి రామేతి కాశ్యాం | తదేకం పరం తారకబ్రహ్మరూపం భజేஉహం భజేஉహం భజేஉహం భజేஉహం |3|

ఇది శంకరులు రచించిన శ్రీరామ భుజంగ ప్రయాతంలోని 3వ శ్లోకం. కాశీలో మరణించినవారి చెవులో పరమశివుడు వచ్చి "శ్రీరామ"నామం చెపుతాడని తెలుసుకదా, అదే ఈ శ్లోకంలో శంకరులు అన్నారు.

యత్ = ఆ, ఆవర్ణయత్ = రహస్యంగా చెప్పుట (whisper), కర్ణ మూలే = చెవులో, అంతకాలే = చనిపోయే సమయంలో

శివ: = పరమశివుడు, రామ రామా ఇతి రామా ఇతి = రామా రామా రామా అని, కాశ్యాం = కాశీలో

తత్ + ఏకం = ఆ రూపం + అవిభజనమైన = అవిభజనమైన ఆ రూపం, పరం = పరమమైన, ఉత్కృష్టమైన, తారకబ్రహ్మరూపం = తారకబ్రహ్మ (సంసార సాగరంలోంచి తప్పించే) రూపంలో

భజేஉహం = భజే+అహం = భజిస్తాను/పూజిస్తాను + నేను = నేను పూజిస్తాను

కాశీలో చనిపోయేవారి అంతకాలంలో ఏ నామం ఆ పరమశివుడే వచ్చి చెవిలో చెపుతాడో, సంసార సాగరంలోంచి తప్పించే ఆ నామాన్ని; ఏకం/అద్వితీయం/అవిభజనీయం అయిన శ్రీరాముని రూపాన్ని నేను పూజిస్తాను.

శ్రీరమణుల వద్ద 'లక్ష్మీ' అనే ఒక ఆవు ఉండేదట. అది చనిపోయినప్పుడు కుడిచెవి పైకి వచ్చేటట్టు పడుకొని పోయిందట. ఎవరూ దీనిని గమనించలేదు. కానీ రమణులు దానిని చుడటనికి వచ్చినప్పుడు అది చూసి సంతోషిస్తుంటే, అందరూ ఏమిటని అడిగారట. ఇది పోయేటప్పుడు శివుడు దీనిచెవిలో రామనామం చెప్పడానికి వీలుగా కుడిచెవి పైకిపెట్టి పోయింది అని అంటే, అందరూ ఆశ్చర్యపోయారట.

శ్రీ రామాయణము - ఆర్ష వాక్కులు, శ్రీ చాగంటి గారి ప్రవచనము.. 

సత్యం బ్రూయాత్ ప్రియం బ్రూయాత్ - న బ్రూయాత్ సత్యం అప్రియం
ప్రియం చ ననృతం బ్రూయాత్ - ఏష ధర్మః సనాతనః ::

సత్యమే పలుకవలేను. అని, పలుకవలసి వచ్చినప్పుడు సంధర్భానుసారము బట్టి ఇతరులను నొప్పించకుండునట్లుగా ప్రియముగ పలుకవలెను. సత్యము పలుకుట వలన ఇతరులకు బాధ కలిగించే పరిస్థితి వచ్చినప్పుడు, పలుకకుండా ఉండుట మంచిది. అలా అని ఇతరులకు ప్రియము కలిగించును కదా అని అసత్యము పలుకరాదు.

84,00,000 జీవరాసులలొ, ఒక మనుష్యునకే వాక్శక్తి ఇవ్వబడినది. ఈ శక్తిని ఎంతో జాగ్రత్తతో ఉపయోగించుకోవాలి. వాక్కుతో ఒక మనిషి ప్రాణము తీయవచ్చు, అదే వాక్కుతో ఒక మనిషి ప్రాణము నిలబెట్టవచ్చు అని ఋషి రామాయణము లోని సుందరకాండలో చూపించారు.

తన దుష్పదజాలముతో రావణాసురుడు సీతమ్మ తల్లిని ప్రాణత్యాగ ప్రయత్నము చేసేటంతవరకు తీసుకెళ్ళాడు. శిశుంపా వృక్ష కొమ్మకు తన కేశములతో ఉరి వేసుకునే ప్రయత్నము చేయబోతున్న సీతమ్మ తల్లిని హనుమ తన మాటలతో ఆమెలో శ్రీరామచంద్రుడు తన కోసము వస్తున్నాడన్న ధైర్యాన్ని కలిగించి ఆమెను బ్రతికించాడు.

పాప హేతువులైన వాక్కు, మనస్సు, కాయములలో వాక్కును అందుకే నియంత్రించుకోవాలి. కాలక్షేపనికి అన్నట్టుగా అక్కరలేని మాటలు మట్లాడుతూ, ఆ సమయములో ఇతరులపై వ్యాఖ్యానాలు చేస్తూ, నిందించుతూ మన శక్తిని వృధా చేసుకుని అనవసర పాపాలను మూట కట్టుకొరాదు.

భగవాన్ నామము స్మరించు. దానివల్ల సమస్త పాపాలు , కామ క్రోధాలు నిర్మూలమవుతాయి . భాగాన్నామము , భగవంతుడు వేరుకావు . చేతులను చరుస్తూ ఉదయం , సాయంకాలమున హరి(హర)నామ సంకీర్తన చేయండి . మీ పాపాలు , బాధలన్నీ మిమ్మల్ని వదిలి పలాయనమౌతాయి . చెట్టుక్రింద నిలబడి చప్పట్లు కొడితే చెట్టుమీది పక్షలు ఎగిరిపోతాయికదా. చప్పట్లు కొడుతూ హరి (హర) నామము చేస్తే మీ శరీరం అనే చెట్టునుండి పాపాలనే పక్షులు ఎగిరి పోతాయి . - శ్రీ రామకృష్ణ పరమహంస .